.png)
كل اللى عايز تعرفه و تقدر تعرفه عن العملات الرقمية crypto currency
طبعا السؤال الى دايما تسأله لنفسك و للحواليك كل ما يجي سيره العملات الرقمية و البيتكوين تحديدا هو ايه هي العملات الرقمية و في المقال ده هنتكلم عن العملات الرقمية و كل المعلومات الى هحاول ابسطهالك عنها على قدر المستطاع عشان تقدر تفهما
ايه هي العملات الرقمية و العملات الإفتراضيةcrypto currency؟
في البداية كدة على عكس العملات الورقية والعملات المعدنية، العملات الرقمية هي عملات غير ملموسة!طيب يعني اية ؟
يعني إن اي عملة اليكترونية و الشخص مننا مش لامسها بها هي عملة إلكترونية غير ملموسة ، وده معناه أن الفلوس اللي في الكروت الإئتمانية ، و النقود التي يتم إرسالها واستلامها عبر البنوك الإلكترونية تعتبر نظام العملات إلكترونية غير ملموسة ، ولكن إذا تم لمسها والشعور بها أصبحت عملات عادية كما هو متعارف عليه.
والعملات الرقمية دي تسمي بالأنجليزية Cryptocurrency و تنقسم لـ مقطعين، المقطع الثاني هو Currency العملة ، بينما المقطع الأول هو كلمة Crypto وهي إختصار لكلمة Cryptography اي علم التشفير.يبقى معناها عملة مشفرة
و يقدر الشخص أنه يحصل على بيتكوين مثلا، في عملية تسمي تعدين البيتكوين.
في تعريف تاني، العملات الرقمية عبارة عن أصول رقمية مصممة لتعمل كوسط لتبادل الأموال أو اي شئ له قيمة فيما يسمى بالعملية الاقتصادية (Transaction) ، وتعتمد على علم التشفير في تأمين هذه العمليات ، و للتحكم في إضافة وحذف وحدات ، وأخيرا لتوثيق والتحقق من صحة هذه العمليات.
العملات الرقمية زيها زي العملات الورقية و المعدنية في قدرتها على الشراء بها لجميع السلع والخدمات المادية و انا شخصيا متوقع انها هتحل محل العملات العادية بشكل كبير خلال العشرة سنوات الجاية
طبعا فيه كتير من العملات الإلكترونية مطروحة للتداول حاليا في سوق الفوركس ، والأمر بيزيد هيستري، نتيجة قانون العرض والطلب، حيث أن سعر البيتكوين على مثلا في ديسمبر 2017 تعدي الـ 17 ألف دولار أمريكي و هو حاليا وقت كتابة السطور دي بيتراوح بين 7800-8000 دولاز مع انها اول ما طلعت كان ال100 منها بقرش المهم ماعلينا ، بما أن أصلا عدد البيتكوين الممكن إنتاجه هو 21 مليون وحدة بس، ده شئ خلى التنافس عليه كعملة أو منتج يتدوال به عموم المستثمرين محموم و من هنا بتيجي قيمة فهم و قيمة الاستثمار في العملة دي حاليا و سبب اللهفة على الحصول عليها
ازاي بتشتغل العملات الرقمية ؟
العملات الرقمية وتحديدا البيتكوين هي عملات لا مركزية، يعني لا يمكن لحكومة أو مؤسسة ما أنها تتحكم في إنتاج المزيد منها او تسحب المعروض في السوق منها و ده شق تاني مهم في اهمية العملات الرقمية .
ولكن كيف يتم التحكم في العملات الرقمية؟
يتم التحكم في العملات الرقمية عن طريق تكنولوجيا تٌدعي سلسلة الكتل (Blockchain).
و تم تعريف سلسلة الكتل في كتاب (ثورة سلسلة الكتل - Blockchain Revolution) على يد الكاتب دون تابسكوت وأخوه على أنها عبارة عن دفتر حسابات إلكتروني غير قابل للتلاعب به للمعاملات الاقتصادية التي يمكن برمجتها، ليس لتسجيل المعاملات المالية فقط، بل لكل شئ له قيمة.
بمعنى أن كل تعامل اقتصادي أو مالي يحدث على النظام يتم تسجيله وتشفيره في كتلة ، وربطها بالكتل الأخرى لتكوين سلسلة الكتل ، وضحت كدة؟!
يتميز نظام العملات الرقمية أو نظام البيتكوين وهو نظام لا مركزي لإرسال وإستقبال الأموال بـ
1- السرعة الفائقة، حيث يتم تحويل ما تريد من مال في أقل من ثواني، على عكس طريقة البنوك التقليدية التي تستغرق أياما.
2- التكلفة المنخفضة جدا، حيث تكلفة عمليات تحويل الأموال بالبيتكوين تقريبا مجانية أو مبلغ لا يٌذكر.
3- الحماية والشفافية، حيث أن كل عملية إقتصادية أو مالية يتم حفظها في كتلة و توزيعها على ملايين الحواسيب حول العالم، مما يجعل عملية إختراقها مستحيلة عمليا، كما أن العملية المالية تتم أمام العالم كله مما يجعل محاولات التلاعب بها مستحيلة.
4- لا مركزية أي غير تابعة لأي بنك مركزي.
أسلوب عمل العملات الرقمية يجعلها فريدة جدا في مقابل النظم التقليدية في المعاملات المالية سواء عبر الإنترنت أو في الواقع الحقيقي.
أشهر وأفضل العملات الرقمية
في عام 2009 ظهر لنا أول عملة إلكترونية مشفرة على يد ساتوشي ناكاموتو اللى لحد دلوقتي محدش يعرف شخصيته الحقيقية بالمناسبة ، وسمى العملة " بيتكوين ".
طبعا عملة البيتكوين هي العملة الأشهر في عالم العملات الإلكترونية و اللي بينصح كل المستثمرين التداول بيها في مقابل العملات الأخرى ، وكمان هي الأعلي من حيث القيمة السوقية.
طيب هل البيتكوين هي العملة الرقمية الوحيدة في السوق ؟ ال طبعا في كتير بس اهمهم بالترتيب من حيث التداول و القيمة السوقية هي العملات الى هتكلم عليها دي .
في سنة 2011، اخترع تشارلي لي المهندس السابقفي شركة جوجل عملة إسمها للايت كوين (LTC)، وهي ظهرت كبديل للبيتكوين، ولكنها مقدرتش تزحزح البيتكوين من مكانها وو مفيش بالمناسبة عملات تانية قدرت تعمل ده لحد دلوقتي على الاقل
سنة 2013، ظهرت لنا عملة من أشهر العملات الرقمية وهي الريبل (Ripple) وبتحتل المرتبة الثالثة في عالم العملات الرقمية من حيث السيولة, تختلف عملة الريبل عن عملة البيتكوين، لأنها عايزة تستبدل نظام المصرفي التقليدي، أما البيتكوين مش عايزه تلغيهدي عايزه تدعمه !
أما في يناير 2014، جالنا واحد اسمه إيفان دوفيلد و اخترع عملة داش (Dash) وهي عملة رقمية تعتبر نسخة أكثر سرية من بتكوين ، و في ابريل 2014، تم إنتاج العملة الرقمية المونيرو (Monero) على أيد فريق عملها ، وفى نفس السنة أطلقت الحكومة الصينية العملة الرقمية نيو(Neo) من أجل تدعيم الإقتصاد الصيني.
في سنة 2015، جالنا المبرمج الروسي فيتاليك بوتيرين و أخترع ثاني أشهر وأفضل العملات الرقمية على الإطلاق، عملة الإيثريوم (Ethereum), الإيثريوم عملة افتراضية أو رقمية و منصة لا مركزية في الوقت ذاته! , الإيثريوم كعملة رقمية مفهوم وضعه وماهيته، بينما كمنصة لا مركزية فهي أمر في غاية الأهمية والخطورة! ليه بقى ؟
لأن يا سيدي الإيثريوم بيهدد وظيفة عمل الحكومة نفسها ، لأنه نظام المنصة بتاعته بيسمح بإنشاء عقود ذكية بطريقة تحاكي العقود التقليدية، ويتأكد من أن جميع بنود العقد قد تم الإيفاء به وبيضمن عدم الإخلال بأي شرط من شروط العقد ، وهو بالظبط دور السلطة في الحياة الواقعية.
ودي كانت قائمة مفصلة بأشهر العملات الرقمية حول العالم،بعد كدة بقى بتيجي باقي العملات الرقمية
اتمنى اكون قدرت ابسط في المقال ده مفهوم العملات الرقمية و اوعدكم اني في سلسلة المقالات الجاية هشرح ازاي بالتفصيل ندخل في العالم ده و نقدر نكون جزء منه بالتفصيل
