ازاى تقدر تكسب فلوس من مجرد اعمال بسيطة اونلاين مدونة تكسب ازاي؟

ازاى تقدر تكسب فلوس من مجرد اعمال بسيطة اونلاين

رامي - January 14, 2020

الربح من الانترنت بطرق بسيطة

لو انت قاعد دلوقتي بتقرا الكلام ده و اهتميت انك تقراه ده معناه ببساطة انك مهتم تعرف ازاي تكسب فلوس و تستغل وقتك اونلاين انك تكسب فلوس ، بدل ماهو ضايع ببلاش تقدر تستغل وقت فراغك اونلاين انك تكسب فلوس حتى لو المكسب ده حاجات بسيطة في الاول ممكن مع الوقت يتحول لمكاسب اكبر و انا هشرحلك في المقال ده خطوة خطوة ازاي تبدأ سكة انك تكسب فلوس اونلاين بكذا طريقة هنبدأ واحدة واحدة مع بعض كدة بطريقتين اساسيتين

الطريقة رقم 1 مواقع العمل من المنزل

أصبح الآن يوجد الكثير من مواقع للعمل الحر على الإنترنت مثل إدخال البيانات او المشاركة فى إستطلاعات الرأى والتى يمكن إستغلالها لكسب المال والعمل من المنزل فى أى وقت دون تعب او مجهود .

و من اهم المواقع دي و اللى انا جربته شخصيا في الربح :

· موقع clickworker

لو سألتني عن أسهل وسيلة تبدأ بيها شغلك من البيت على الإنترنت؛ فالإجابة هي Clickworker. السهولة هنا تأتي من إمكانية العمل من خلال الهاتف المحمول، وسرعة إنشاء الحساب وبدء العمل، وعدم وجود اشتراطات من حيث المؤهلات والخبرات.

طبيعة العمل في Clickworker

ببساطة تتيح المنصة لعملائها من الشركات المختلفة إضافة مهام متنوعة من حيث طبيعتها والمدة اللازمة لإتمامها والأجر المقدر، على أن يقوم الـ Clickworkers أمثالك وأمثالي بتأدية هذه المهام طالما كانت خبراتهم أو لغاتهم أو الدول التي يقيمون بها مناسبة لمتطلبات المهمة.

تتنوع هذه المهام من حيث طبيعتها بين مهام كتابة وترجمة، أو تقييم نتائج بحث، جمع البيانات، إدخال البيانات، أو إكمال الاستفتاءات والاستقصاءات، أو التقاط صور وتسجيل فيديوهات لمواقف معينة. لكن بشكل عام، معظم المهام يمكن تأديتها دون الحاجة لوجود مؤهلات دراسية محددة.لو عايز تفاصيل اكتر ممكن توصلها من الموضوع التفصيلي اللى انا كاتبه عن clickworker و للتسجيل و بدأ العمل فورا ممكن من هنا

· موقع freelancer

نفس فكرة الموقع الى شرحته قبل ده ده موقع بيعتمد على Micro Jobs يمكن البدء بالعمل بدون الحاجة لرأس المال.و بيتميز انه بيوفر أصناف وأنواع كثيرة من الأعمال والمشاريعو بيقوم موقع بالوساطة freelancer بين العمال وأصحاب العمل.و ميزته انه ممكن العمل بدون الحاجة للخبرة في العمل في أعمال بسيطة مثل معالجة النصوص او ادخال البيانات .

تقدر كمان من خلال الموقع البحث عن العمل المتوافق مع مهاراتك و بيعتبر freelancer من أشهر المواقع العالمية على الاطلاق في الأعمال الحرة و بتقدر بكل سهولة تشتغل من اي حتة تانية بدون اي تنقل و كمان في ميزة فيه للحابب منكو او عنده مهمة محتاج فيها مساعدة زي كتابة بحث او ترجمه او تصميم معين انه يحطها على الموقع مقابل سعر يحدده هو و هيلاقي عروض جاية له من ناس تانية على الموقع تقدر تساعده يخلصها.

للتسجيل في الموقع من هنا

او لو حابب معلومات اكتر عن التسجيل و الشغل في الموقع تقدر تدخل على موضوعي التاني بخصوص freelancer

الطريقة التانية : تجميع العملات الرقمية

او زي ما بيسموها cryptocurrency و العملات الرقمية أو العملات الإلكترونية هي عبارة عن عملات افتراضية يتم تداولها من خلال الإنترنت، ولعل من أشهرها هو البيتكوينBitcoin. وأخذت شهرتها بسبب 4 مزايا

· سرعة التحويل

· قلة تكلفته

· حفظ الخصوصية

· وانها لا مركزية.

العملات الرقمية استحوذت على فكر مجموعة كبيرة من الناس، و قلقت و خوفت ناس كتير تانية ، واتسببت في قلق ناس تالتة، ولكن المهم أن كل الناس دي اجمعت أن العملات الرقمية ثورة تكنولوجية هتغير من شكل الأموال في العالم، وهتأثر على أكبر وأهم المؤسسات المالية في العالم وعلى طريقة عمله و منها مصر بالمناسبة.

و زي ما قلت شرحها و شرح الية عملها محتاج موضوع كبير هعمله و نتابعه سوا ان شاء الله

طيب هل نقدر نستثمر فيها ؟؟ الاجابة ايوة طبعا عن طريق شراؤها من شركات سمسرة و التداول فيها بعد كدة و لو انت زي حالاتي بتخاف من انك تغامر بمبلغ معاك في حاجة متعرفهاش اوي يبقى لازم تقرأ الكلام اللى جاي ده بتركيز و تأني

دلوقتي يا سيدي في طرق تانية تجمع بيها العملات الرقمية دي من غير ما تستثمر ولا مليم من فلوسك ، طيب ازاي؟ انا اقلك

بس الاول قبل ما ندور ازاي نجمع عملات لازم نعرف ان العملات دي لازم مكان تحفظها فيه و ده اسمه المحافظ الاليكترونية و في مواقع كتير تقدر تسجل فيها و تعمل لنفسك محفظة تشيل فيها عملاتك الى هتجمعها بالطرق اللى هقولك عليها

و اهم المواقع دي و اللى انا جربتها

Blockchain

Coinbase

freewallet

اولا عن طريق الصنابير :Faucets

دي تعتبر وسيلة سريعة و سهلة للحصول على كمية صغيرة من بيتكوين او عملات رقمية تانية. صنبور البيتكوينbitcoin faucet هو موقع يقدم كمية معينة من العملة لكل زائر. كل الى عليك تعمله أن تجتاز اختبار الكابتشا( اللى هو انك تثبت أنك مش حاسب الي بيحاول ان يتلاعب بنظام الموقع)، و عادة المواقع دي بتوزع جزء صغير من العملة الرقمية المحددة كل فترة من الوقت تتراوح ما بين كل 5 دقايق الى كل 24 ساعة و بعد ما بتجمع مبلغ يكون الحد الادنى للدفع يرسل لك الموقع حصتك من البيتكوين و الحد الادنى يختلف من موقع لاخر ، وعدد مرات جمع العمله في اليوم محدد حسب التوقيت اللى حاطه الموقع. المهم تحتاج بس لعنوان محفظتك ( زي ما قلنا فوق )و هيبعتوالك العملة ، و المواقع دي وجدت في بداياتها فقط لتشجيع و تعريف الناس على عملة البيتكوين و العملات الالكترونية ، لكن حاليا اصبحت تدعم نفسها بوضع اعلانات غوغل ادسنس و من اهم مواقع الصنابير :

1- Cointiply

بعد ما بتسجل في الموقع بتقدر تجمع عملات كل ساعة و مش بس كدة تقدر تلعب او تفتح اعلانات معينة مقابل عملات و كمان في مهام تانية كل ما هتعملها تقدر تزود رصيدك و ده بيعتبر من افضل الصنابير اللى انا اتعاملت معاها

تقدر تسجل من هنا

2- moonbitcoin

من اسهل الصنابير كل اللى عليك تعمله انك تاخد منه حبة بيتكوين صغيرين اوي كل خمس دقايق

بس هتحتاج الاول تعمل حاجة اسمها micro Wallet يحوشلك فيها رصيدك لحد ما توصل حد ادني يتحول على محفظتك الاساسية بعدين و اسم الموقع coinpot بعد ما تسجل فيه تقدر تدخل على الصنبور من هنا

3- moonlitecoin

نفس فكرة الصنبور اللى فوق بس بعملة رقمية تانية اسمها litecoin

4- Bitfun

بتجمع منه عملة بيتكوين كل خمس دقايق

5- Coin birds

ده بقى موقع لذيذ خالص

كل اللى عليك انك تسجل و تشتري طيور و الطيور تبيض و بعدين تبيع البيض مقابل عملات تحولها بعد كدة بيتكوين و تقدر تنساه و ترجع له كل فترة تججمع و تبيع لحد ما تحوش حبة فلوس كويسة تستثمرها و التسجيل فيه من هنا

طبعا فيه صنابير تانية كتير و النت مليان بس انا حطيت المجموعة الى انا اتعاملت معاها شخصيا عشان مواقع النصب كتير و انا شخصيا حبيت اوفر عليكم فكرة التجربة الكتير في مواقع نصب و حطيت الحاجات المضمونة الى انا جربتها و طبعا تقدر تجرب مواقع تانية كتير