شرح موقع Freelancer (كيفية التسجيل وطريقة العمل) مدونة تكسب ازاي؟

شرح موقع Freelancer (كيفية التسجيل وطريقة العمل)

رامي - February 05, 2020

ازاي تسجل في موقع freelancer وتبدأ شغل فيه

طبعا في متابعتنا لسلسله الموضوعات عن اهم مواقع العمل الحر في الانترنت يبقى لازم نتكلم عن واحد من اهمهم وهو موقع Freelancer وده واحد من أكبر وأقدم المواقع في مجال العمل الحر على الانترنت.وانت من خلال موقع فري لانسر يمكن لأي صاحب مهارة التسجيل في الموقع، ومن ثم فتح الباب أمام مئات المشروعات التي تنتظر من ينفذها في كل المجالات. أيضاً من خلال موقع Freelancer يمكن لأصحاب المشروعات ايجاد كوادر احترافية في كل المجالات، لاتمام مشروعاتهم بأفضل مستوى ممكن

طبعا اتكلمنا قبل كدة على اكتر من موقع متخصصين في العمل الحر من خلال الانترنت و freelancer مش مختلف كتير بس الفرق البسيط ان في موقع فري لانسر تقدر تقريباً استغلال أي مهارة تمتلكهامهما كانت بسيطة حتى لو هتدخل شوية بيانات ، و الموقع بيغطي مجالات كتيروعلى رأسها: مجالات الكتابة والترجمة،التسويق والمبيعات،ادخال البيانات، الخدمات القانونية، وخدمات الموارد البشرية، تصميم وتطوير المواقع.و غيرها كتير
خلينا ندخل في المهم و نبدأ بخطوات التسجيل بالصور

اولا خطوات التسجيل في موقع freelancer

الخطوة الاولى
هتروح للصفحة الرئيسية لموقع فري لانسر. او بمجرد ما تكتب كلمة Freelancer في جوجل، أواضغط على الرابط التالي مباشرة:
https://www.freelancer.com/

هتفتح الصفحة الرئيسية لموقع فري لانسر في متصفحك، هتغطعلى زر Sign up في الأعلى، كما هو موضح بالصورة بالاسفل.

الخطوة الثانية
بعد ما تضغط على زر sign up في الخطوة السابقة، هفتح صفحة إنشاء حساب جديد، تقدر تسجل من خلال حساب الفيسبوك، بس انا شخصيا بحب افصل بين بياناتي على الفيسبوك و بين استخدامها في المواقع و انت طبعا ليك مطلق الحرية بس انا هنا استخدمت الخيار التاني ، اللي هو ادخال البريد الالكتروني واختيار كلمة مرور.
هتدخل عنوان بريدك الالكتروني اللى حابب تستخدمه، و بعدين هتختار كلمة مرور(حروف إنجليزية فقط، ويجب أن تحتوي على رقم أيضاً).

طبعا مش محتاج ااكد عليك تكتب البريد الالكتروني بشكل صحيح و متنساش كلمة المرور، و بعدين اضغط زر Join Freelancer باللون الأزرق. كل ده موضح في الصورة اللى تحت .

الخطوة الثالثة
بعد الضغط على زر Join Freelancer،هتنتقل إلى صفحة اختيار اسم الحساب username. هتلاقي تحت مستطيل اسم الحساب بعض الاقتراحات بناءاً على عنوان بريدك الالكتروني.ممكن تختار اسم منها او تختار بنفسك اسم للحساب حسب اختيارك ، بعد كدة هنضغط زرار Next، زي الصورة اللى تحت دي .

الخطوة الرابعة
بعد الضغط على زر Next في الخطوة السابقة هتنتقل لخطوة تحديد نوع الحساب، هنا بقى لازم تختار “I want to work”لأنك لو مخترتش ده مش هتقدر بعد كدة تتصفح فرص الشغل على الموقع بعدين ، الخيار الثاني ده مخصص لأصحاب البيزنس اللى عايزين يخلصو مشاريعهم من خلال الموقع.و كل ده موضح في الصورة الى تحت

الخطوة الخامسة
هنبدأ في الخطوة دي تحديد المهارات اللى بتجيدهاو تعرفها كويس ، و ده عشان تبدأ تبنى حسابك على الموقع و اللى هيظهر اودام أصحاب المشروعات. هتلاقي الصفحة مقسمة لثلاثة أعمدة هشرح لك كل عمود وفقاً لترتيبها من الشمال لليمين:

العمود الأول (المهارات أو مجالات العمل الأساسية)

يحتوي على التصنيفات الرئيسية للمهارات وبالتالي مجالات العمل، لما تضغط على أي مجال وليكن Writing content، هتلاقي المهارات الفرعية الخاصة بهذا المجال ظهرت لك .

العمود الثاني (المهارات الفرعية)

ده فيه المهارات الفرعية اللى لازم تختار منها تخصص في المجال الى اخترته من العمود اللى قبله

العمود الثالث (قائمة مهاراتك التي اخترتها)

لما تختار أي مهارة من المهارات في العمود الثاني هتظهر في العمود ده ، و لما تضغط على أي مهارة في العمود ده هيتم إلغاءها من القائمة. الحد الأقصى من المهارات اللى تقدرتختارها هو 20 مهارة، والحد الأدنى مهارة واحدة، و تقدر تختارالمهارات الفرعية من أكثر من مجال عمل.
مثلا هنا اخترت المهارة الأساسية Writing &Content، وفي عمود المهارات الفرعية اخترت Article Writing.
ملحوظة: أمام كل مهارة فرعية هتلاقي عدد الوظائف المتاحة، وفوقهتلاقي العدد الاجمالي لكل الوظائف المتاحة لكل المهارات التي اخترتها. كل هذا موضح بالصورة بالأسفل.

بعد تحديد المهارات هتضغط على زرار Next Step في نهاية الصفحة ناحية اليمين.

الخطوة السادسة
بعد الضغط على زر Next Step في الخطوة السابقة هنروح لصفحة اكمال بيانات حسابك. في المستطيل اللى فوق ناحية الشمال هتكتب اسمك الأول، وفي المستطيل اللى جنبه هتكتب اسمك الثاني، وفي المستطيل اللى تحتهم هتختاراللغات اللى تعرفها كويس عشان هتفيدك في وظائف ترجمه مثلا ، وفي الجزء الأخير هتختار المربع اللي بيعبر عن مستوى خبرتك في المهارات اللي اخترتها، زي ماهو موضح في الصورة اللى تحت .

بعد كتابة الأسم وتحديد اللغة ومستوى المهارة هتضغط على زرار Next Step في نهاية الصفحة ناحية اليمين.

الخطوة السابعة
بعد ما ندوس Next Step في الخطوة اللى فاتت هتنتقل لصفحة التحقق من بيانات الدفع، كما هو موضح بالصورة اللى تحت

زي ماهو واضح من الصورة كدة فيه وسيلتين لللدفع هتقدر تعمل تحقق من خلال اي واحدة فيهم . لما تختار التفعيل من خلال حساب PayPal، هتنتقل لصفحة باي بال لادخال عنوان بريدك الالكتروني في بال بال وكلمة المرور. تقدر تتابع موضوعي عن عمل حساب paypal في مصر
أما في حالة اختيار التفعيل من خلال البطاقة الائتمانية، فسوف تنتقل لصفحة لادخال بيانات البطاقة (الأسم، والرقم، والرقم السري، وتاريخ انتهاء الصلاحية).و ده موضوع بتاعي عن انواع البطاقات لو معندكش

و عموما تقدر تأخر الخطوة دي و تعملها بعدين ، لما تضغط على زر Skip for now ناحية اليمين تحت
. بس انا رأيي تعمل الخطوة دي لأنها مهمة في رفع مصداقية الحساب.طبعا في الصورة دي انا عملت skip for now لأن ده حساب تجريبي معمول للشرح

الخطوة الثامنة
بعد ماتدوس على زر Skip for now هتنتقل لصفحة إنشاء عضوية مدفوعة مميزة، والتي من المفترض أنها سترفع نسبة اختيارك لاتمام المشروعات. طبعا ممكن تشترك في العضوية المميزة مقابل 10 دولار في الشهر تقريباً بس طبعا انا شخصيا مجربتهاش . للاشتراك اضغط على زر Start Trial Now،ولو مش عايز تسجل فيها هتدوس زر Skip for now أسفل المستطيل ناحية اليمين.
طبعا انا اخترت Skip for now.

بعد الضغط على زر Skip for now، هيوديك صفحة المشروعات المتاحة،عشان تبدء مشروعك الأول.
مبروك يا سيدي بقى عندك حساب موقع فري لانسر.

ثانياً كيفية استكمال بيانات حسابك على فري لانسر لجعله احترافيا

طبعاكدة احنا عملنا حساب فري لانسر، بس في الحقيقةده مش كفاية خالص انك تبدأ تشتغل و تحقق ارباح . عشان فيه اعدادات و خطوات اضافية لتطوير حسابك و عشان يظهر بشكل احترافي ،و بالتالي تقدر تلاقي مشروعات .عشان كدة هقولك اهم الخطوات اللى لازم تعملها بعد ما تعمل حسابك :

1- توثيق عنوان البريد الالكتروني

بعد إنهاء الخطوة الثامنة وتوجيهك إلى صفحة اختيار مشروع، فوق في الصفحة دي هتلاقي مستطيل باللون الأزرق عشان ينبهك تعمل تحقيق صحة لبريدك الالكتروني.هتدوس عليه و بعدين تروح لبريدك الالكتروني، هتلاقي رسالة بعنوان Welcome to Freelancer.com، و لما تفتح الرسالة،هتضغط على زرار Verify Your Email الموجود بالرسالة، كما هو موضح بالصورة اللى تحت .

بعد ما تدوس على الزرار في بريدك الالكتروني،هينقلك إلى صفحة لدعوتك لعمل حساب مميز مدفوع (Plus Membership) تاني و بردو تقدر تعدي الخطوة دي عادي بالضغط على زر Skip for now تحت ناحية اليمين.

2- توثيق الحساب عن طريق رقم الهاتف المحمول

تاني بعد ما وثقت البريد هترجع صفحة البحث في المشروعات تاني ، و فوق هتلاقي الرسالة الى في المستطيل الازرق هتقولك لازم توثق حسابك عن طريق رسالة نصية على هاتفك المحمول.

بالضغط على زر Verify via SMS هتظهر اودامك أمامك نافذة ، هتدخل رقم تليفونك و بعدين هتضغط زر Send Verification Code. هيظهر لك مستطيل لادخال كود التحقق، هتكتب الكود الى وصلك في الرسالة

3- استكمال جميع البيانات الأخرى ورفع درجة مصداقية الحساب

بعد ماخلصت الخطوة السابقة مفروض انه هينقلك مباشرة لصفحة إدارة الحساب.و تقدر بردو توصل لها عن طريق الضغط على السهم اللى جنب اسمك في أعلى يمين الصفحة، و بعدين تضغط على Manage بجانب كلمة Account.

زي ماهو واضح كدة في الصورة اللى فوق فيه اختيارات كتير اوي تخص ادارة الحساب (العمود على الشمال)، وده شرح لكل واحدة منها:

Profile
هتلاقي فيها البيانات الأساسية لحسابك،هتدخل فيها بيانات عنوانك عشان يبقى الحساب أكثر مصداقية. و تقدر من خلالها تعديل الكثير من البيانات.

Email Notifications
تقدر منها تغير عنوان البريد الالكتروني، والتحكم في ضبط رسائل الاشعارات (و تقدر تسيب كل شيء زي ما هو بدون تغيير).

Membership
منها هتقدر تنتقل لمستوى العضويات المميزة المدفوعة
Password
من خلالها تقدر تغير كلمة المرور.

Payment &Financials
منهاتقدر تختار طريقة دفع لاستلام مستحقاتك،(زي ما قلت مهمة في زيادة مصداقية الحساب ) . كمان هي اجبارية عشان تقدر تستلم مستحقاتك في المستقبل.و زي ما قلنا فيه طريقتين لاستلام المستحقات، الأولى عن طريق بنك باي بال، والثانية عن طريق كارت ائتماني.
Account Security
تقدر منها تعمل خطوة آمان إضافية للدخول لحسابك (جزء غير مهم في أغلب الحالات)، ولكن على أي حال من خلاله هتقدر تختار طلب تحقق عن طريق رسالة نصية على الهاتف في كل مرة تدخل لحسابك.

Trust & Verification
الجزء ده مهم جدا ، فوق هتلاقي خط بيوضح مستوى مصداقية حسابك . تحت خط مستوى الثقة هتلاقي بعض الخطوات الموصى بها لرفع مصداقية الحساب، كل خطوةهتديك عدد نقاط معينة لرفع الثقة.و انا شايف انه لازم تعمل كل الخطوات دي وهي: ربط الحساب بحساب فيسبوك، ربط الحساب بحساب لينكد إن ،و المفروض بعد الخطوات دي يكون حسابك موثق بدرجة 100%.

Account
تقدر من خلالها تغيير الحساب من مستقل إلى صاحب مشروعات، وتقدر أيضاً من خلالها تقفل الحساب.

4- تحسين الملف الشخصي

الملف الشخصي هو الواجهة اللى هتظهر اودام أمام كل صاحب مشروع يتحرى عنك قبل ما يديك المشروع، عشان كدة لازم تهتم بيه
و عشان تبدأ تظبيط الملف الشخصي هتضغط على السهم بجانب اسم حسابك في اليمين فوق، و بعدين تختار View profile.

هيظهر اودامك الملف الشخصي زي ما هيظهر اودام أي مستخدم آخر.و عشان تبدأ تحسين الملف الشخصي هتضغط على زر Edit Profile ناحية اليمين. و دي اهم حاجات لازم تركز عليها عشان تحسن ملفك :

تضيف صورة احترافية لحسابك

تحديث عنوان وظيفتك، واكتب نبذة مختصرة عن نفسك وما تقدم من خدمات.

يا سلام لو تضيف بعض أعمالك السابقة في حافظة الأعمال الخاصة بك Portfolio.
دخل بيانات خبراتك السابقة، والدرجات العلمية اللى حصلت عليها، وأضف مؤهلاتك، والمنشورات اللى قمت بنشرها (كتاب مثلاً قمت بتأليفه). ستجدهم بالترتيب نزولاً للأسفل.

دلوقتي تقدر تقول انك عندك حساب احترافي وموثوق مائة في المائة،و تقدر تبدأ تختار مشروعاتك

ثالثاً كيف يعمل موقع فري لانسر، وكيف تختار مشروعك الأول عليه

اخيرا بعد ما عملنا الحساب ووثقناه ازاي نختار اول مشروع ؟هوضح خطوات عمل موقع فري لانسر،و اللى من خلالها هتفهم ازاي تختار مشروعك الأول.

1- يقوم صاحب المشروع بطرح المشروع
وهو اللى بيحدد نوع و عنوان المشروع، ونبذة وصفية عن المشروع اللى عايزه ، و يحدد المهارات المطلوبة وبناءاً عليه يتم تحديد الحد الأدنى والحد الأقصى لتكلفة المشروع.

2- ال freelancer يدخل لصفحة المشروعات
تقوم أنت كواحد متطلع لاتمام المشروعات بالبحث في الموقع عن المشروعات المناسبة، عشان تلاقي المشروعات الى تناسب خبراتك و مهاراتك هتضغط على زر browse فيفوق على الشمال ، و بعدين تختار projects كما هو موضح بالصورة اللى تحت :

3- أنت ك فري لانسر بتختار المشروعات اللى تناسبك
بعد الضغط على زر Project في الخطوة السابقة هتنتقل، لصفحة تحتوي على الكثير من المشروعات المناسبة لك.
هتلاقي ان الصفحة مقسمة إلي جزئين: الجزء الأكبر على اليمين فيه المشروعات المناسبة لك، والجزء التاني على الشمال فيه خيارات لترشيح المشروعات (مثل تحديد متوسط سعر معين، أو تغيير اللغة، أو المهارة).

4- تقوم بزيارة صفحة المشروع اللي يناسبك وتشارك في عملية المزايدة
في الصفحة التي في الصورة فوق هتلاقي معلومات كتير عن كل مشروع، ولكن لازم نعمل مزايده.

في صفحة المشروع ستجد المزيد من البيانات حول المشروع، وستجد زر باللون الأزرق “Bid on This Project”، قم بالضغط عليه وادخل البيانات المطلوبة، ثم اضغط زر Place Bid في أسفل الصفحة.

الآن عليك الانتظار حتى يقرر صاحب المشروعك اختيارك لاتمام المشروع، بالطبع يمكنك عمل مزايدة في المزيد من المشروعات الأخرى.

في النهاية أتمنى أن يكون هذا الموضوع مفيداً لكل من يتطلع للعمل في موقع فري لانسر، لا تنسوا مشاركة الموضوع مع الأصدقاء لكي تعم الفائدة